黃宗澤讚警犬「梁烈唯」乖！

藝員黃宗澤在將軍澳電視城為劇集《警犬巴打》試造型。女主角鍾嘉欣與梁烈唯因工作缺席，黃宗澤拖着的警犬十分聽話，他對着警犬笑說：「梁烈唯乖！」相反另一隻警犬卻十分百厭撲搶咪，黃宗澤笑說：「佢係我哋女主角鍾嘉欣，鍾嘉欣唔好咁百厭。」

黃宗澤自言終於圓夢一嘗「制服誘惑」穿上警察軍裝，稍後要上堂學習訓練警犬，他說：「啲朋友都笑我做錯咗乜嘢，之前喺大陸先同BB拍完劇，依家又同狗拍劇，不過，自己屋企隻狗都受過訓練，指令都大同小異，都好快上手。」

劇中黃宗澤再與鍾嘉欣扮情侶，他說：「鍾嘉欣角色好cool，高學歷、高智商，不屑同我講嘢。」講到可有時間識女朋友，他說：「有冇好介紹？自己都好忙，都係啱啱返香港兩日。」