陳婉衡5吋事業線「Big」走同場Game Girls

近期被封為「新咪神」的TVB主播陳婉衡（Alycia）以Cosplay小丑女造型出席《香港動漫電玩節》記者會，她化上Smokey Eyes及紅唇妝，但亮點絕對是服裝心口開窿，其35E驕人胸器盡現，大騷5吋深坑，成功Big走同場的性感Game Girls！提到有關身材的問題，Alycia更緊張得面紅心口又紅！

問到是否覺得造型很性感？她說：「都性感！因為個故事角色係咁，但好安全呀，我黐晒膠紙，又有nude bra，最開心係第一次正式Cosplay。之前見到人玩，但自己搵唔到原因去做，就算萬聖節都冇試過全妝！今次我演呢個係小丑女友，係奸角，已經盡量演繹得Dark啲。」

問到會否介意外間只注意其身材？她說：「工作需要係ok，平時我打扮都唔會性感。（接受行泳衣、內衣騷？）都ok，件事係合理，但依家未有客户搵我。（男友介意你咁性感？）依家冇拍拖，就算有，相信佢都會接受我係工作需要。」