唐寧爆大仔愛上同學媽咪：見到會怕醜

唐寧及森美等於鑽石山亮相戒煙活動，期間擔任大使的唐寧搞笑透露以往陀B時，靠閉氣避開二手煙：「陀B就最辛苦，一吸到（二手煙）就BB都吸埋！試過行街時前面男士不斷吸（煙），我唯有不停閉氣！（老公有冇吸煙？）有咗小朋友後甚少。」

談到一對寶貝仔女，唐寧表示女兒將近半歲，而大仔亦相當痛錫妹妹，日前更於繪畫班畫卡送給爸爸。問到大仔於上學期間可有結交「小女友」，唐寧即「呷醋」笑指對方愛上同學媽媽：「佢鍾意人哋媽咪，見到會怕醜同甜笑！（你呷醋？）OK啦，佢鍾意人哋長頭髮，但到我問佢就答鍾意我留短髮！」