吳啟華接受父女戀：之前嗰個都差廿幾年

藝人吳啟華出席無綫新劇《純熟意外》造型活動，劇中，他將與蔡思貝、李施嬅（李詩韻）有感情線，記者笑指其拍檔愈來愈後生，啟華則認為觀眾希望睇後生，又笑言男人亦比較耐看。去年與相距21歲的內地女星石洋子離婚的他，被問到現實中是否接受後生女？啟華笑道：「我梗係接受到。（蔡思貝出名發電廠？）好呀，我最鍾意女仔多電力，都唔怕傳緋聞。」

「父女戀」冇問題

提到陳凱琳與鄭嘉穎的「父女戀」，啟華即恭喜兩人，又謂不介意大搞「父女戀」，但說：「之前嗰個都差廿幾年，年齡唔係問題，最重要係兩個人夾到，但我好少鍾意劇中拍檔，要公私分明啲。」

同前妻女兒去外遊

問到早前父親節如何慶祝？他表示與家人及母親度過，又提早返內地跟女兒和其外婆食飯，更獲女兒送贈短褲，並笑謂：「佢同外婆去揀，可能想我帶佢去游水，過幾日會同個女去沖繩。（前妻石洋子同外婆都去？）係。」

中港兩地都拍劇

他又透露阿女將在長春上學，主要是跟其外婆意願，那豈不是要經常往返內地？啟華坦言開工無辦法，又稱計劃中港兩地一年各拍一部劇，會否多返內地拍劇方便探女兒？他說：「冇所謂，不過內地人工好啲，香港市場就有廣告，其實差唔多。」