韋綺姍嫌棄同新拍檔合唱：黃嘉威似我個仔

資深歌手韋綺姍（Rita）、Joe Junior、黃嘉威、張武孝和陳欣建等出席慈善音樂會，Rita表示這次找來新拍檔黃嘉威（舞台劇演員）合唱經典歌《相逢何必曾相識》：「因為近排同佢排緊舞台劇，我又要搵人同我合唱，咁咪問佢夠唔夠膽嚟囉！（覺得佢表現點？）佢都唔差嘅，但後生啲，會有少少緊張！」Rita搞笑問黃嘉威為何演舞台劇時不感緊張。

Rita趕場會合蔣志光

當記者問韋綺姍有新拍檔是否更有新鮮感？Rita坦言還是喜歡舊拍檔蔣志光：「因為Part佢（黃嘉威）好似我個仔咁，好似怪怪哋咁，唔係幾好意思！（投入唔到落首歌？）咁又唔會，唱歌還唱歌。」她又謂音樂會後會立即趕去會合蔣志光，一同出席另一活動。

提到Rita與黃嘉威正為舞台劇《高帽奇緣》排練，他們表示在三月份已經演出過一次，八月份將再度公演，但演出場地比之前的大：「上次喺上環文娛中心搞，嗰度坐五百個觀眾左右，今次喺屯門大會堂再搞，可以坐到千幾人，所以所有嘢要重新適應過！」