愛女路上冒雨奔跑　關詠荷肉緊喪嗌

下午4時多，一身運動裝打扮的關詠荷與女兒Brittany雙雙現身中環，兩母女有傾有講地步入便利店。可能正值發育時期的女兒嚷着要買零食醫肚，於是兩人步入店內，專向朱古力、薯片等零食埋手，而出名愛錫女兒的關詠荷也帶上眼鏡幫手揀埋一份。未幾，兩人已挑選了一堆戰利品，之後齊齊排隊付款。

由於正值下雨天，活潑的Brittany待媽媽付完錢後，便步出店外興奮地冒雨奔跑。護女心切的關詠荷為免女兒衝出馬路，又擔心她濕身病倒，不惜放下形象，撐住雨傘當街邊嗌邊追女。Brittany聽見媽媽指令後，亦乖巧地放慢腳步，關詠荷見狀立即上前攬實個女，齊齊上車，由司機接載回家。