美魔女出山!羅霖出索爆相集揮低少女

20150628
東網電視
更多新聞短片
你睇羅霖個個造型都索過人!
被封為「美魔女」嘅三子之母羅霖,將喺7月書展推出首本個人相集《Timeless》,佢仲會為慈善出一分力:「施比受更有福,相集嘅部份收益會撥捐慈善機構,幫助一啲被虐嘅孩子及婦女,令佢哋重拾信心,再次投入社會,甚至會幫助其他人。」而呢本寫真仲係羅霖喺3月底遠赴首爾取景,由當地著名攝影師親自操刀。她笑說:「單係鞋我都帶咗80對,衫就連造型師一齊計有成15喼,好彩我大仔同我一齊去,我可以用埋佢個行李quota。」
今次的造型除了一貫的高貴造型外,特別為她度身訂造了運動及冷艷風格:「今次造型好大突破,其中個corset係我親自買,化妝及髮型配合之下,我睇攝影師嘅相就已經好驚訝,之後畀咗啲好朋友睇過,佢哋都話認唔出係我。」
在短短幾天的行程,每日拍攝十幾小時,她分享深刻點滴:「有晚,三度兼落雨嘅晚上,我着住tube top喺戶外拍攝,又凍又餓,又怕影響件衫唔敢貼暖包,只好咬緊牙關撐住。另外有日拍攝運動裝,要冒雨來回跑十幾次,為咗拍攝效果,我都堅持做到最好。」羅霖又謂今次拍攝最開心係得到家人同朋友支持:「大仔仲同我一齊去,我好感謝佢陪住我幾日,精神上無限支持我。」