王菀之自薦做MV女主角慘食檸檬

歌手王菀之（Ivana）與舞台劇很有緣份，除了將於七月上演的舞台劇，日前她為新歌《小手術》拍MV，亦找來香港舞劇獎最佳女主角黃呈欣（大欣）和梁浩邦擔任男女主角。原來Ivana曾向導演自薦做MV女主角，結果慘食檸檬，她說：「因為女主角受情傷打擊患上厭食症……」

《小手術》歌詞故事是Ivana提供的真人真事，她說：「其實呢首歌係送畀我嘅一位好姊妹，我同Wyman講咗呢位好姊妹嘅故事，我希望好似MV度去安慰大欣咁樣安慰呢位好姊妹。」聲線一向可愛又嬌小的Ivana，為了今次MV嗌到聲沙眼腫，她說：「呢首歌嘅氣氛比較heavy，導演莊少榮希望我哋好dramatic嘅故事情節去演出，大家情緒仲未平伏。今次MV有3位演員，女主角係我認為舞台劇界最靚女……唔計我，大欣黃呈欣。至於男演員梁浩邦亦係一位非常出色嘅舞台劇演員，我好榮幸同佢哋合作，其實我今日係嚟睇戲！佢哋嘅張力好勁，加上《小手術》本身曲詞都好感人，現場氣氛好沉重！」

Ivana自爆原本想演女主角，卻被導演斷言拒絕，她笑說：「大欣和阿邦飾演一對感情出現問題嘅情侶，佢哋演得好投入，嗌到聲斯力竭。因為大欣飾演嘅女主角受情傷而患上厭食症，本來我自薦演出，但導演話：『唔需要！』所以我今日係嚟睇戲。」她大讚兩位演員帶動全場情緒，更表演一秒即喊，令她大開眼界。她說：「佢哋演技已超越舞台上，無論喺房間、天台還是枱底，張力一樣咁勁！佢哋上一秒仲好開心講緊午餐嗌外賣，下一秒roll機即刻入戲，好勁，一、兩秒間已經喊得好犀利！」原來Ivana初入行時首次演舞台劇曾與大欣合作，相隔十年再碰頭好感動，揚言內心情緒澎湃。