楊子晴爆陶喆疑想玩「三人行」

有內地傳媒爆出上年結婚嘅台灣音樂才子陶喆與李威嘅舊愛楊子晴過從甚密，網上更瘋傳疑似二人曖昧嘅微信。尋日，陶喆回應指兩人過去曾經交往，太太江佩蓉亦知情，但就無回應情慾對話。

不過事情峰迴路轉，今日就流出女主角楊子晴日前接受內地傳媒訪問嘅內容，楊子晴稱自己唔想做小三，但係陶喆竟一直主動聯絡佢，楊子晴指陶喆發出好多信息畀佢，佢有時一日只回覆一條，好多時候都唔回，唔回覆信息嘅話，陶喆就打電話，又指陶喆邀約見面時表現心急，楊子晴拒絕過幾次，令陶喆特別失望。

楊子晴向傳媒展示微信對話紀錄，指陶喆自上年婚後兩個多月仍然積極聯絡自己，多次發出曖昧信息，更曾經留低下塌酒店地址，並疑似吩咐助手接載，當楊子晴遲遲未到，陶喆就開始催促，楊子晴又表示其後試過為陶喆介紹一名美女朋友，陶喆更疑暗示想「三人行」。