日本浸溫泉　張秀文爆翟威廉誓守一點

藝人張秀文與翟威廉於將軍澳出席其主持的旅遊節目《滾動四國》記者會，二人穿上阿波舞衣示人，更大跳阿波舞！翟威廉因怕走光不斷將舞衣向上拉，反而張秀文的舞衣較緊身，不擔心走光。

翟威廉全裸拍攝

活動上，翟威廉表示拍攝時全裸上陣，而講到張秀文的性感程度不及他，可會覺得浪費？張秀文說：「浸咗兩個溫泉，喺酒店個個就性感啲嘅。（全裸？）我自己浸就會，但拍攝嗰陣就包毛巾，已經盡量做到好似全裸咁架喇！」至於會否肯全裸浸？她謂：「拍出嚟靚就可以啦，拍完都要電視播得先可以架嘛。」

拉埋工作人員齊齊裸浸

翟威廉則表示今次全裸浸溫泉，是為了呈現真實的日本澡堂文化，他說：「拍嗰時已經好趕，仲要研究有啲咩可以遮，啲水流，木桶咁。」張秀文即插嘴謂：「係呀，要遮住嗰一點。」翟威廉則尷尬表示：「唔係一點呀！」他又表示當地有日本工作人員，而為了拍出多人浸溫泉的效果，更捉埋其他工作人員一起裸浸。

張秀文坦言未有看翟威廉拍攝，笑指怕他尷尬，但被翟威廉踢爆她是因為男女浸浴是分開浸，故張秀文只能看片。二人又表示拍攝約十日，沒想到當地人十分熱情。