囡囡想返工 楊思琦考慮母女檔拍廣告

20150701
東網電視
更多新聞短片
楊思琦話囡囡見到佢返工,佢又嗌返工,佢就話遲啲考慮母女檔上陣拍吓廣告。
前港姐楊思琦出席活動時參與名車巡遊。將坐電單車巡遊的她,坦言甚少坐:「踩單車就多,其實我想考電單車牌,去旅行方便啲。(唔怕危險?)我講咗畀媽咪聽,佢都即刻話唔好,不過我想學多樣嘢。」
她透露近日忙於拍攝寵物節目,由於她很喜歡小動物,故非常樂在其中。她說:「會訪問藝人朋友,講吓佢哋同寵物之間有咩特別回憶,同埋都會講吓動物會有咩病,等觀眾有多啲知識。(自己有冇養寵物?)依家冇,高峰期有七隻八哥,不過依家已經唔喺我身邊。」
而提到她三歲大的女兒楊卓穎,她即表示女兒非常活躍,加上女兒說話愈來愈多,令二人更多互動。她笑言:「佢知我要返工,就同我講『媽咪,我又要返工』,如果有適合嘅工作,都可以帶嘅,不過拍節目嗰啲就未必得,我同佢講『你太細啦,返學先啦』。(畀佢出鏡?)未試過,可能遲啲有機會先。(母女檔拍廣告?)可以考慮,帶小朋友出嚟,可以令佢見識多啲。」