唔敢高攀高Ling　小儀踩多腳笑金剛難啃

藝人金剛和小儀今日到將軍澳電視城為無綫新劇《愛情食物鏈》進行拍攝，劇情講述兩大美女廚神高海寧（高ling）和胡蓓蔚進行廚藝比賽，金剛將對決打趣形容是「少女、熟女pk賽」，小儀則是高ling背後的真正「煮女」，對此小儀自嘲說：「我個樣唔得，但高ling個樣得，不過劇入面佢又唔識煮，所以我咪做幕後替手囉！」

金剛又笑言小儀為《愛》劇拍到「就嚟死」，原因是小儀在拍劇之餘仍要繼續電台的DJ工作，有時更要在電視城工作至零晨四點鐘：「好似更年期真係到咗。」小儀則指拍攝該劇雖然辛苦，但卻很溫馨，皆因在《愛》劇演員們的聊天群組中，經常有人戥她可憐，更曾試過與演員們調動時間爭取休息，她說：「唞多一個鐘得一個鐘啦！」

提到金剛與高ling的咀戲時，金剛就笑稱劇本未出，又言打定輸數沒機會一親高ling香澤，問他在現實中可有被高ling迷倒？他笑言無可能：「我已經習慣咗小儀，轉唔到口味！算喇，唔會有好下場。」小儀即反駁金剛：「有人識得欣賞同埋肯啃呢嚿嘢（指金剛），真係好偉大！」問到是否指金剛女友蕊蕊時，金剛應聲說是，並再反駁小儀說：「我都希望快啲有善長啃咗小儀，解救呢個世界上嘅男人。」