杏兒撐男友冇暗撻「翻版張栢芝」：好笑！

藝人胡杏兒與夜場老闆男友Philip（Phil）拍拖唔夠一年，打得火熱，更有指二人已去到談婚論嫁階段。不過近日有傳Phil趁杏兒北上搵銀時，竟然與有「翻版張栢芝」之稱嘅HunterZ成員陶枳樽（Crz）過從甚密。

消息一出，杏兒即以「正印」身份喺微博開腔回應，澄清Crz係Phil好友嘅女朋友，仲留言話：「當晚大家都在場，傾計（偈）時男友就在旁邊，而最好笑是他們整個談話過程不到十秒，就可以變成一個峰迴路轉。」杏兒更表示對男友充滿信心：「Philip有很多朋友，當中包括男性及女性，和朋友交談很正常，大家真的不用太緊張，下次再影到我也沒必要再解釋了，thank you and have a good day！」

杏兒嘅大方回應獲唔少網友支持，男友Phil亦有留言：「我都支持妳呀！」杏兒隨即回應：「多謝你呀！」以行動力證感情不變。