王菀之隨時閃婚

王菀之（Ivana）自認多愁善感，難怪最近她獲邀為新片《玩轉腦朋友》配音，當聞得故事主人翁腦內存着多種情緒感覺，自己被安排演繹「愁」，即感到相當適合，她更笑說﹕「呢個角色配合我嘅性格，一樣容易情緒低落。有時我仲會扭同事同經理人計，話做到咁攰可唔可以放吓假？」

自爆不時會向男友扭計的Ivana，回想起來都覺得好笑：「記得有次因為互相替對方着想，忽然發生意見衝突，我諗唔到解決方法，直情瞓咗喺地下兩粒鐘唔郁，直至佢半扶半抱起我，我即刻成個冧番嘞。」

千挑萬選才覓得另一半，Ivana提起對方不禁散發幸福的味道，毫不掩飾對男友的一切大表欣賞﹕「佢有大師風格，唔係好出聲但腦內好豐富，大家默契十足。（婚期呢？）成日都有諗吓，諗諗吓第二時咪有機會變真囉，但未有決定。我哋兩個想法好似，話唔定突然間覺得有需要就去結，唔知呀。」