杜如風教大家日本投資買樓

旅遊達人杜如風出席TVB旅遊節目《東京攻略》記者會，暢談到日本東京喪買喪玩的經歷，她表示除了教觀眾掃貨之外，更會教大家在日本投資：「原來用60萬港元就買到一人寓所，大約200呎，仲幾近旺區！（你又有買？）我邊有咁多錢！但呢個係我目標！」如風又提議大家自駕遊，將的士錢省回來再用來購物，而她今日身上的連身裙、頸鏈及鞋，正是遊日的戰利品，問到是否買到破產？她笑說：「OK啦！好難唔買，依家兑換率太低！木屐我都買咗好多，另外有帶大家睇二手名錶，平香港好多！」

上次遊首爾期間如風病倒入院，今次她笑言都在「醫院邊緣」：「全程冇得抖，所以發燒感冒，但就唔使入院，我對日本藥物好習慣。（影響表現？）我對地方好熟，都多嘢講嘅。」

提到上輯播出後被網友封做「世界級港女」，樂天的如風表示會繼續我行我素，風格不變：「預咗畀人批評，我討好唔到所有人，會帶開心畀欣賞我嘅觀眾，我風格冇改，係有減肥。」