李治廷笑陳妍希論盡得嚟好可愛

藝人李治廷現身廣州體育學院拍攝內地真人騷《報告！教練》，屬林丹隊的他即席跟眾人分隊較量羽毛球，最後由他們一方勝出。

受訪時問到他是否運動健將？他覺得後天努力比較重要，希望可透過節目傳遞訊息：「好多時就算唔係天才，但透過努力都可以學到好多嘢。」講到真人騷有很多鏡頭對着可會不慣？他則表示：「我好啲，因為我之前已拍過一次，但都大壓力，有時一大早牙又未刷、面又未洗已經有個cam對住你。我上次個節日係韓國團隊拍，試過有次晨早六點已經有部機拍住我，我就講唔好拍啦，咁早我冇嘢好講，但因為佢係韓國人聽唔明所以就繼續拍。」

李治廷謂參加這個節目覺得題材好勵志，亦想藉此挑戰自己身體同意志的極限。問到拍攝可感到辛苦？他則謂會比較攰：「因為24小時不停拍，我試過有次同陳妍希畀教練帶咗去個沙池做訓練，20分鐘係要不停做，又跳又撲又蛙跳，嗰次真係好甘。（同陳妍希一隊覺唔覺佢拖累？）又冇話拖累。（但佢比較論盡？）你哋係有眼光，不過佢好勤力，所以我都話天份唔係最重要，最緊要後天努力，不過佢好可愛。（佢就係靠可愛嚟獲勝？）佢可愛的確贏到好多拉票比賽。」

至於講到他有份主演的劇集《武則天》在港大受歡迎，對此他謂：「咁快就嚟大結局？做到我死嗰集未？嗰集我覺得幾好，有時間都會睇，因為喺內地播嗰陣我冇睇過，反而喺香港我先有時間坐低睇吓。」