做咩搞到咁？林盛斌有晒心理準備…

「吸金王」林盛斌（Bob）為咗搵錢搞到周身骨痛，佢不時都會喺網上晒照呻吓辛苦咁！今日阿Bob就上載咗去Check睡眠窒息症時嘅相，見佢成頭貼晒膠布，認真誇張！阿Bob留言話：「醫生，你想點呀？Check睡眠窒息症啫，玩到咁大嘅？其實，你係咪有d（啲）嘢隱瞞我呀，你講啦，我有心理準備㗎嘞（喇）！」貼文一出，好友曹永廉都搭埋咀，仲話佢似準備畀人研究多過畀人醫：「終於有人肯研究你，其實世上邊有人又靚仔，又聰明，又口才了得，除咗我就只有你！」