網民熱話:30歲張靚穎求嫁45歲馮柯

20150705
東網電視
更多新聞短片
30歲嘅張靚穎尋晚霸氣喺台上「求婚」,但有網民話好似嘥咗噃!
2005年參加內地歌唱節目《超級女聲》並獲得季軍嘅內地女歌手張靚穎,喺尋晚嘅長沙演唱會上,忽然大講感人宣言,之後仲霸氣「求婚」,佢話:「我已經三十歲了……我不想再一個人過……我已經想好了,你現在願意娶我的話,你就上來。」佢嘅男友兼娛樂公司CEO馮柯衝上台攬實女友激吻,呢段長達12年嘅戀情終於曝光,而張靚穎嘅霸氣求婚亦非常震撼!
唔少網民見到張靚穎高調晒愛兼求婚,都覺得佢勇氣可嘉,不過喺唔少人眼中係女神嘅佢,一下子公開有個大佢15年嘅男朋友,網民都大叫接受唔到,話馮柯雖然係CEO,不過相貌平平,相反張靚穎擁有天籟之音又靚女,兩人年紀仲相差咁多,所以網民都覺得張靚穎如果真係嫁畀馮柯會嘥咗!亦有人話求婚呢家嘢應該係由男人做,如今張靚穎由18歲就同馮柯一齊,足足拍咗12年拖先可以公開戀情,仲係由女方開聲,網民都覺得忍咗咁多年嘅張靚穎好慘!
不過,亦有唔少人戥張靚穎覓得所愛感到高興,話佢都踏入30歲,應該都係時候嫁人啦!喺依個年代又冇話一定要由男方求婚嘅,亦有人話年屆45歲嘅馮柯夠晒成熟,可以畀到安全感張靚穎喎!
網民有話兒:
tanxxxxyi:女神bb嫁個阿叔,接受唔到
nixxphxxxe:點解唔係男人做?
oooxxx:女神好霸氣啊(呀)
akxxcui:拍咗12年拖先可以公開,做藝人真係辛苦
kaxxemxx:希望佢幸福啦