王梓軒孖陳奐仁合作被嘲HeHe味濃

歌手王梓軒與陳奐仁出席活動，講到兩人一同創作的新歌《點止冰冰》，陳奐仁笑言因為最近幾年靚仔緣旺盛，而且與跟范冰冰傳過緋聞的李治廷合作過，所以突發奇想寫了這首歌，兩人又表示只用了一日時間就寫好新歌。

談到MV，兩人表示MV是在很繽紛的賽車場拍攝，王梓軒更大爆大家將會見到陳奐仁的舞步：「佢（陳奐仁）依排忙緊拍戲，啲舞步係當日先教佢，陳太叫我唔好畀佢啲體重呃到，其實佢好郁得。」兩人笑說因為在創作的過程中太合拍，有朋友笑指他們HeHe感好重。