林峯返港忙做新碟　吳千語嘆冇時間相聚

藝人吳千語（Karena）出席保良局舉辦的慈善晚會，對於男友林峯早前在內地橫店拍攝電視劇時，不慎弄傷腳，千語表示男友已在康復當中：「好番七七八八，不過好易觸及舊患，所以醫生建議唔好做咁多運動。（所以特登去探佢？）探完佢先受傷。（去咗幾日探班？）一至兩日，因為自己要返上海拍嘢，自己搭高鐡過去，佢做完手術都冇得休息，日日都忙住拍，返嚟香港好啲！」

千語透露雖然男友已回港，但未有時間相聚：「佢要忙住新碟。（佢返嚟之後都冇見過？）都有見，但時間唔係好長。（電影《葉問3》拍完未？）喺上海拍完，之後會拍電影《賞金獵人》會去韓國取景，但當地疫情都幾嚴重，製片要再決定喺韓國定其他地方拍。（如果決定喺韓國呢？你會照去？）都要去，因為簽咗約，自己都會小心啲。」