【Good taste】胡定欣林夏薇情侶裝晒默契

藝人胡定欣、黎耀祥、蕭正楠以及林夏薇等出席無綫新劇《公公出宮》煞科飯局，定欣和夏薇更着上同款不同色的裇衫「情侶」裝亮相，定欣更直認與夏薇第一次合作就成為好朋友，笑言：「好開心可以識到呢個傻婆！」

品味差唔多

夏薇憶述二人到開平拍攝的「默契」：「我哋影啲相都好似。仲記得有一次我見到佢同我聽埋同一首歌，就連個音量都差唔多！」定欣續說：「我哋品味差唔多！good taste！（將二人認錯？）咁無咁誇！我哋形象都唔同！」提到會否將夏薇收納成為「胡說八道會」的成員時，定欣又即時落足嘴頭力薦：「人哋話我哋個會喺識男仔㗎！」但夏薇就說有已經有定欣了，定欣更說將二人的合照放上網時都能夠氹粉絲們開心！

爭取時間享受陽光

提到定欣日前與陳山聰等猛男曬太陽，定欣就解釋因為自己早前太忙，自拍攝上一套劇集《鬼同你OT》後又緊接《公公出宮》，當日是難得relax的機會，亦已相約多時。不過她亦透露假期沒多長後，又為即將啟播的《鬼》劇做宣傳，希望爭取時間去旅行享受陽光以及私人時間！