陳凱琳孖蕭正楠裸泳　問准男友鄭嘉穎

藝人蕭正楠、陳凱琳於《巨輪II》中有感情線，劇情指性格大膽的凱琳吸引了蕭正楠，二人更會於十一月到日本拍攝一場雙雙裸泳的場口，對二人來說是大膽嘗試。

陳凱琳對此場戲都有點擔心，始終未做過，她接受《東網》訪問時謂：「呢場戲好顯示角色性格，除晒衫落水係紓緩壓力，冇色情或誘惑人，到時自己會打晒底，同埋夜晚拍唔會睇到啲乜。」她又坦言有跟父母說有此場戲，更向男友鄭嘉穎備案，她謂：「我應承父母所有嘢會安全，我都有同嘉穎講劇情，佢都有幫我聽吓劇本，睇吓我有乜新演法，佢聽到我要拍裸泳戲時起初都有擔心，但佢都好信得過監製，所以ok嘅！」

而蕭正楠亦打趣謂:「咁！嘉穎會唔會嬲我嘅！最多我游遠啲囉！」被問到若要「露股」需否向女友黃翠如備案時，他笑謂：「唔使！個股我自己架嘛！不過尊重佢都同佢講聲。不過我有信心大家睇到都食得落飯。」