【弗到離奇】周汶錡產後出院揚言唔使收身

名模周汶錡（Kathy）上周五入院剖腹誕下囝囝Jacques後，於今午12時25分由法籍丈夫Julien抱着BB陪同出院。戴上太陽眼鏡、身穿連身裙的Kathy化了個淡妝，並翹着丈夫站在醫院正門讓記者拍照，BB全身被毛氈包到實，Kathy的助手則拿着BB籃。拍完照後，Kathy和丈夫抱着BB登上七人車，臉帶笑容的Kathy接受訪問，又開心地多謝大家。

問BB是否改了中文名，她說：「改緊，依家二揀一，搵人改嘅。（會唔會餵人奶？）嘗試緊。（BB似邊個？）似我老公多啲，返屋企適應下，有時會變樣㗎嘛。（全家都當BB係寶？）係呀！好開心。（老公有冇送咩禮物畀你？）BB係我哋好好嘅禮物。（會唔會積極收身？）唔使住，都唔係肥咗好多啫。（諗住休息幾耐？）未知。（會唔會做全職媽咪？）應該唔會，我咁鍾意做嘢。（會唔會搞百日宴？）遲啲先，要休息先。」訪問期間她表現得相當心急，似乎想盡快與丈夫、BB一起回家。