【超冧】安志杰驚JC受傷爆破場面實監場

影星安志杰及女友Jessica.C齊齊出席新片《潛龍狙擊》發布會，今次是二人拍拖後首次合作，二人在受訪期間甜蜜又恩愛，而當JC的頭髮被吹亂，安志杰即細心為女友整理頭髮，又主導訪問，做完訪問又細心扶女友的纖腰，認真甜到漏！

安志杰表示今次在戲中做壞人，而JC則是狙擊手，暗戀對方且對他不離不棄，二人在戲中有不少對手戲，不過未有透露是否有感情戲，安志杰又謂今次武打戲由伍允龍負責，而自己及女友則有開槍的戲份，被問今次拍戲是否較輕鬆，他說：「打少少啦！」

唔介意女友性感演出

問安志杰與女友合作會否擔心吵架，他說：「唔會！（會監場？）一定會，有爆破啲危險嘢，而且拍攝場地污糟，會唔放心！」至於有否落手落腳教女友動作，他表示會交給好兄弟伍允龍負責，因對方擔任動作導演，至於JC有否性感演出，他細心的用英文問女友，JC則表示並不是重點。安志杰被問若女友有性感演出可會介意，他笑言：「唔會，未拍拖之前都好多人望佢，唔介意。（想一齊拍戲？）唔知呀」而女友JC則謂比起其他人跟男友合作會更加好。