將Eddie降呢　朱慧敏唔急嫁：唔想結咗又離

與彭懷安（Eddie）婚事擱置的朱慧敏，出走美國返港後即投入工作，今日偕同張文慈在大埔拍攝微電影，直言將男方「降呢」為知己，更不否認跟對方繼續冷戰：「現今女性結婚、生仔唔係必須！」

現年34歲的朱慧敏（Queenie），與張文慈（Pinky）為微電影《回到起步時》取景，飾演母親的兩人，與小學生不乏對手戲，自言喜歡小朋友的Queenie謂：「能力許可生幾多都冇所謂。」當問到計劃何時生育時，與Eddie婚事急煞停的她無奈地說：「遲啲先，難講，十幾歲時以為廿幾歲結婚、生仔，到廿幾歲又以為卅頭，依家34歲又點plan呢？好多嘢係命運安排。（唔怕做高齡產婦？）好多人卅尾到四十歲生都ok，最緊要睇自己心理質素同各方面條件配合。」

唔想結咗婚又離

剛從美國出走返港的Queenie，否認因擱置婚禮影響人生大計，自稱現在生活愉快的她更表示：「現今女性結婚、生仔唔係必須。」她坦承跟Eddie有聯絡，雙方溝通亦很正面，問男方是否甘願「降呢」為朋友？她強調：「我哋關係keep得好好，係好好嘅生意伙伴同好朋友、知己。」

有指Eddie近日收心養性戒夜蒲，但Queenie似乎不為所動：「我想專心事業，佢都係。（佢等得？）唔好畀時間框住，尤其步向婚姻係一輩子嘅事，我哋都唔想搞得不愉快，結咗婚又離婚就冇意思。」

張文慈冇諗回巢

談到亞視全球大招募，問到回復自由身的Pinky會否考慮回巢效力？她說：「冇諗過，係先算啦，又唔知佢哋形式點，要清楚少少先（考慮），但舊同事有工開係好事，我都好開心。」並謂只要有合適的工作，任何公司也可以合作。