謝霆鋒畀蟹鉗爆手指　要入手術室取異物

近日忙於喺內地拍攝《十二道鋒味》第二季嘅謝霆鋒喺節目中大廚上身，雖然試盡各種食材同唔同烹調方式，但間中都會畀啲食材難到，好似今日霆鋒整大閘蟹時，竟遇着大閘蟹「作反」，鉗傷霆鋒手指，身為經理人嘅霍汶希（Mani）喺微博留言：「霆鋒的手指被拑（鉗）穿了，大閘蟹太狠了！」

Mani為安全起見，決定同霆鋒到急症室救醫。Mani仲話霆鋒照完x-ray後，發現傷口入面有啲白色嘢，懷疑係鐵線或者異物，要入手術室開刀攞異物，可能仲要打破傷風針添！睇嚟霆鋒下次煮嘢食時小心啲先得喇！