「巨星最愛」：陳凱琳有媽咪做最強後盾

血濃於水，親情無價。在《東網巨星》的「巨星最愛：親情篇」，一眾藝人深情剖白家人為自己一生中最愛，而與鄭嘉穎交往中的陳凱琳，亦不忘十月懷胎生下她的陳媽媽，感謝母親於她入行以來一直的鼓勵！而諸葛紫岐、倪晨曦、惠英紅的最愛又是誰？就等她們親自為大家解答！

世上沒有甚麼比親情更重要，即使現在與男神鄭嘉穎交往中的陳凱琳亦然，在「巨星最愛：親情篇」道出一生最愛的人，就是她媽咪：「我嘅至愛梗係我媽咪啦，因為佢一直都好支持同鼓勵我，雖然最近比較多新聞，但佢每次都會叫我平常心對待，所以我真係好多謝佢！」

諸葛紫岐有仔萬事足

名模諸葛紫岐（Marie）誕下愛子Arthur後，有仔萬事足，講到她的最愛當然就是Arthur：「我最愛嘅就係我囝囝，因為佢依家好可愛，成日同媽咪錫錫，好sweet。最愛仲有我媽咪，因為佢好錫我，依家知做媽咪好辛苦，要顧好多嘢，所以打算送份好有心思嘅禮物畀佢。」

而模特兒倪晨曦則最愛媽媽和孖生細妹：「我最愛係我媽咪同埋我孖生妹妹，佢哋喺我生命中係最重要，媽咪由細到大都好照顧我哋，佢係我一個Role Model，佢好偉大，又要做嘢又要照顧屋企，好佩服佢。孖生妹妹亦係我嘅最愛，我哋差一分鐘出世，好似孖公仔，去邊都要一齊。我同佢冇秘密，有佢喺我身邊至係完整嘅我！」

惠英紅姊妹走過低谷

做得姊妹，就是一生一世，惠英紅最愛細妹Sandy，直言與對方走過低谷：「我最愛嘅係我細妹Sandy！佢同我每一步都係一齊，跌跌碰碰，已經係我左右手同心靈雞湯。奪第29屆金像影后嘅時候，係我人生一個漩渦，當時妹妹知道我情緒好唔穩定，壓力好大，嗰幾年一直喺我旁邊，到我得到獎，我見到佢好感動，開心再見證再有一次（得獎），知道佢好欣慰，家姐可以企番起身！」

張紋嘉：「我最愛係嫲嫲，細個已經照顧我，因為父母要外出工作，佢好錫我，喺我長大時畀咗好多愛我，可惜佢早過身，冇機會喺大個後回饋佢，我相信前世今生，希望下世再遇嫲嫲，一定會用好多愛去報答佢。」

湯怡：「最愛係我Daddy媽咪，之前母親節我特登打咗段訊息畀我媽咪，諗起自己會對家人發脾氣，但佢依然每日煲湯我飲，當我係小朋友，打打吓感觸到喊咗出嚟，好感受到媽媽嘅愛，依家係時候回報番佢。」

名模琦琦：「我心目中嘅最愛就係我囡囡，我要多謝佢令我變得更快樂，好記得佢第一次參加朗誦比賽，心情特別緊張，我同佢講贏輸都唔緊要，媽咪永遠都愛你，而佢比賽最後得到第一名，企喺台上面望住我笑，真係好感恩，因為有佢嘅出現！」

歌手鍾舒祺：「我最愛就係我家姐鍾舒漫，佢對我同父母差唔多，煮早餐、晚餐我食，有時仲要照顧我叫我去沖涼，又要執我房周圍擺嘅衫！佢依家就好似身為人母咁，擔心個女嘅心情，有咁好嘅家姐真係要好多謝佢！」

鄭欣宜：「我最愛係婆婆邱淡素（已故），佢係一個好矮得四呎幾吋高，又係紮腳嘅一個老人家，但佢係可以轉眼間一個人，煮出九餸一湯畀好多人食嘅『能幹婆（上海話）』呢！」