林欣彤恨搞戶外騷：感覺好Free！

歌手林欣彤（Mag）身穿短身通花T恤和白色短褲出席音樂會採排，講到今次集齊七個同期出碟的英皇歌手開騷很開心，之前拍的宣傳片反應亦很好。問到可會想跟公司其他大師兄師姐合作，她謂如果有都想：「自己鍾意啲咁Free嘅騷。（下次會唔會想真正喺戶外開騷？）想呀，試過喺外國草地坐喺豆袋度睇戲，都試過見人喺沙灘開騷，自己都好想，感覺好Free。（自己怕唔怕曬o架？）唔怕，我鍾意陽光，同埋我比較容易白番。」她亦謂想與同公司的人合唱快歌，然後在沙灘拍MV，又笑言如果其他人穿泳衣自己就穿，但就不願透露是穿兩件頭還是三點式。