鄭欣宜爆獨自夜行山頭畀秋官教訓

藝人鄭欣宜、王宗堯及邵仲衡為10月舉行的慈善長跑活動出席宣傳活動，並即席被委任為活動大使。三人表示屆時會參加10K賽，稍後會投入特訓。

欣宜與王宗堯一向有跑步習慣，前者更自爆謂：「鍾意一個人做運動，唔會約人，所以行山前會短訊晒啲朋友，話明兩個鐘唔見我覆，就幫手報警。」她又謂以往曾大膽到夜晚獨自行山，結果遭父親鄭少秋及長輩們教訓。

王完堯則表示喜歡凌晨於維園附近練跑：「想邊跑邊沉思諗吓嘢，每次都跑半個鐘左右，但估唔到原來半夜三更條街都好多人，有人喺公園談心，好彩冇見到唔應該見到嘅嘢。」邵仲衡則指由於屋企近海，故較為喜歡水上活動。