跳求雨舞趕走「蓮花」　Yellow開騷逼爆九展

樂隊Yellow（野佬）晚上在九展舉行音樂會，全場爆滿，更邀得盧巧音和方皓玟任表演嘉賓。新加盟成為同門的歌手JW亦有前來捧場。

颱風蓮花襲港，曾一度掛起八號風球，幸好很快已經離港，令演唱會如常舉行，主音小胡笑說：「我哋前一日跳咗求雨舞，求啲雨前一日落晒，好彩今日好好天。」

JW祝賀衛蘭衛詩

而新加盟的JW則表示正製作新歌，望盡快推出，對於衛蘭和衛詩早前已轉投華納，對此JW說：「好戥佢哋開心，一知道呢個消息我都有祝福佢哋。」談及與舊公司的關係，她笑言已經變成好友，故絕不存在比較。

盧巧音幫老公造型

至於擔任嘉賓的盧巧音（Candy）透露新碟有望年底或明年初面世，而丈夫Sammy的樂隊亦同樣快將出碟，屆時可能替他們做形象設計。問可會叫他們騷肌，Candy笑說：「直情叫佢哋唔好着，下面遮塊樹葉咪得囉！」