黎淑賢孖老公慶生興奮咀嘴晒恩愛

今日就係前亞姐黎淑賢（Bonnie）嘅生日，美容醫生老公許智政一早已經為Bonnie準備好慶祝活動，佢哋撇低囝囝囡囡相約一班好友喺餐廳包場慶生，開開心心歎完美酒佳餚之後，搭正十二點許智政攞出生日蛋糕畀Bonnie許願，心情靚爆嘅Bonnie仲同老公即場上演咀嘴大晒恩愛，Bonnie仲喺微博放相分享喜悅並寫上：「幸福不是得到你想要的，而是珍惜你所擁有的 ！很開心的生日晚。」