陳豪唔急追多個女：畀Amiee抖抖先

藝人陳豪於油塘出席《鬼同你OT》宣傳活動，被指因太太陳茵媺急於追個女，令陳豪變得消瘦，陳豪笑言：「關咩事，我肥同瘦都想追個女架啦！不過要畀Amiee抖抖先！」他表示自己已肥了一段時間，今次拍攝新劇《潮流教主》飾演時裝設計師，要配合角色故刻意減肥，他說：「今次幾成功，起碼唔會好乾同有氣息！」至於是否做運動減肥？他笑言忙得連bb都沒時間見面，今次是靠節食而減肥，他說：「每餐減40%，由加大碼減到中碼！」至於Amiee有否因他消瘦而擔心？他笑言太太叫他減肥已有一段時間，又謂自己享受做爸爸故之前未有減肥，至於會否想練腹肌？他謂：「依家瘦番都有個底嘅！」

被問何時再想追一個女？他說：「依家兩個bb仲細，真係要過一排先啦。」