囡囡喪喊瞓唔着　鄧芷茵唔敢再掛住做

歌手鄧芷茵（June）舉行新碟發布會，獲老公、囡囡及一眾好友撐場，受訪時她講到相隔五年再出碟，因為中間經歷了結婚和生女。而是次自資十萬製作的新碟是送給囡囡，她說：「準備了兩年終於出到，心情好興奮！」問到出碟可會因工作忙碌而少了時間陪囡囡？她則謂：「不會，因為依家自己冇公司，所以冇限制，可以安排時間陪個囡，因為佢好黐身。試過有一次錄音我錄通宵，咁我本身晚晚都同佢一齊瞓覺，但嗰次係我唯一一次唔喺佢身邊瞓覺，我嗰朝錄到六點先返到屋企，跟住聽番工人講，原來個囡唔肯瞓，喊到凌晨兩三點先攰到瞓着咗，我聽完之後心痛到喊，以後都唔敢再為咗工作影響到個囡，所以都會盡量安排時間陪佢。」