葉翠翠與老公咀足四次　落order暫停造人

前港姐葉翠翠今日與圈外建築師老公周曉東（Raymond）於四季酒店擺酒結婚，正式升呢做人妻！一對新人約於5時抵達婚宴地場，更應在場記者要求在切蛋糕之後齊齊影相，兼錫面咀嘴，Raymond仲錫足翠翠四啖大晒幸福！而七位姊妹包括何傲之、沈卓盈及李思雅等，以及四位兄弟亦有在旁。

翠翠今日亦行頭十足，除超性感婚紗大晒事業線之外，雙手更戴着四隻華麗戒指，就連耳環都係珍珠，可謂貴氣十足。兩位今晚將延開32圍宴客，場外更放置婚照供賓客欣賞，而翠翠的狗狗亦有亮相在照冊之中，據知場內更有現場樂隊伴奏娛賓。

逼老公食昆蟲

訪問時，翠翠又提到今早老公接新娘的過程，直言模仿效日本節目，要老公與一班兄弟齊齊鬥食昆蟲，但其實只是中藥，她更想迫老公食蠍子，但她老公一路贏，沒有被懲罰，最後她要老公將一碟鹹竹蜂吞下肚子，非常搞笑！

享受二人世界唔生住

翠翠又笑言今晚只能夠靠自己，因為老公Raymond無論讀愛的宣言同宣讀誓詞時都唔順暢，她說：「今晚我準備分享我媽咪嘅嘢，不過我都知道老公同我相處都好大壓力。其實我尋晚都一反傳統，可能因為我喺外國返嚟啦，尋晚都有見面冇分開到。（婚後造人？）唔係呀，我同佢都夾好咗過二人世界先，佢話唔生住，因為佢覺得娶咗個老婆返嚟，未有二人世界就生bb，咁自己就變咗第二位咁。」

另外翠翠亦表示場內專設有兩圍宴請圈內朋友，邀請了包括陳凱琳、劉佩玥以及歐陽巧瑩等。