古巨基低調宣告結婚一周年

上年今日古巨基宣布同得力助手Lorraine（陳英雪）於美國拉斯維加斯註冊結婚，結束超過二十年的愛情長跑，並以深情字句表達愛意：「從94年我第一張唱片開始，在我工作上妳一直緊守在照顧我的崗位。然而此後，妳的未來，就讓我來好好的照顧。」真係冧到爆。

今日就係古巨基同Lorraine結婚一周年，基仔喺微博放咗一張淨係見到兩對腳同兩個人影嘅相，好簡單咁寫上：「我們。一週年。」雖然無上年嘅冧爆宣言，但係平平淡淡亦都係一種福分，網友紛紛留言恭喜基仔要繼續白頭到老之外，仲留言叫基仔要努力啲年生貴子。