Jase@C AllStar真胸上陣 慘被安仔偷吻

20150712
東網電視
更多新聞短片
C AllStar拍攝演唱會海報,唔知係咪因為Jase(下圖左)太性感,令到安仔(下圖右二)忍唔住親吻對方!
組合C AllStar將舉行演唱會,今次更是他們首次開4面台,故四子心情特別興奮。日前為拍海報,他們各出奇謀以不同造型搶鏡,梁釗峰白色乾濕褸「公子哥兒look」、陳健安(安仔)藍色西裝「藍星人look」、吳崇銘(阿King)就「拿督look」,最性感是何建曦(Jase)的「深坑露毛look」,他穿着黑色繡了其英文名的浴袍,真空上陣大晒臍毛,化妝師更「出手」替他加強事業線,拍攝時甚至被安仔偷吻,事後Jase勁嬲被抽水,揚言不排除開騷時搶歌唱報仇。
講到新造型,阿King說:「我係阿King所以扮國王,仲專登留鬚配合,點知原來影海報要有hangover(宿醉)感覺,結果瞓晒喺地,冇以前嗰啲海報咁正經。」他又慨嘆國王後宮佳麗萬千,但他這個國王身邊只有3個麻甩仔,還要被釗峰寸爆:「你似小學生風紀隊長多啲囉!」穿着一整套全藍色西裝的安仔,最初收起笑容故作神秘玩正經,但百厭本性還是藏不住,笑說:「剛才開完4P派對,我一揪三,所以依家好攰,喘晒氣!(做乜偷錫Jase?)我左手搭住釗峰,右手搭住阿King,剩番個嘴最得閒。」
阿King笑指大晒事業線的Jase「事業心重」,釗峰還出手偷襲,邊說:「真線嚟,即刻捽吓先!」Jase成功避開後,說:「今次演唱會我哋各自秘密練兵,互相唔知道對方有乜表演!」釗峰說:「可能會撞頭、撞衫、撞嘉賓...」Jase突然認真地說:「明知對方鍾意咩歌,或者會唱咩歌,就唱嗰首歌挑機!」似乎已為剛才被抽水一事想好復仇大計。