開窿谷到盡 羅霖自爆仔仔唔like性感照

20150712
東網電視
更多新聞短片
唔知今日個look仔仔又buy唔buy呢?
現年50歲的「美魔女」羅霖出席其寫真發布會,她穿上心口開窿的貼身裙,非常性感,但當她側身時,卻不慎露出砵仔糕。而她的三個仔仔及母親亦專誠到場支持,令她非常感動,難怪她坦言前一晚緊張得到瞓唔着,仲覺得有壓力。
她續透露寫真內部認購已超過三千本,將加印第二版。問到加印多少本?她說:「未知,不過外界反應好好,我暫時都有過千個朋友同我訂咗。好感恩,今日一家人嚟支持,我兩個大仔比較怕醜,本來話唔嚟,但最後都嚟咗,好感動。(仔仔睇咗寫真未?)我都係今朝先見到,佢哋未睇過,不過有喺email度睇過啲相。(有冇評語?)佢哋性感嗰啲話唔好,比較貼近真實嘅我嗰啲就話好。我依家兩個大仔都話要做gym,因為見到我有馬甲線,佢哋都話要練腹肌。(佢哋最鍾意邊個造型?)晚裝同跑步。」另外,她透露寫真中與韓星姜耀煥合作,並十讚對方認真,準備了20多套衣服來拍攝。她說:「雖然我哋溝通唔到,不過佢好好,會走過嚟睇吓我着咩色衫,佢自己去襯番,仲同我講『You are so pretty』,我都讚番佢靚仔。我哋合作好愉快,好快拍完。」
問到她有何宣傳攻勢,與其他o靚模對撼?她坦言:「冇諗,大家唔同讀者群,會跟返自己宣傳方法。嚟緊15同19號會喺書展搞簽名會,希望畀大家一啲正能量。其實50歲出寫真唔容易,需要好大勇氣,作為女人要努力keep fit。」而問她會否較考慮再出寫真?她坦言自己要求高,她表示若果想到新題材,亦不排除會再拍。問她會否擔心受其他o靚模單打?她坦言不擔心:「我經歷咗好多,咩言語都聽過,詛咒嘅說話都聽過。(工作定私人?)私人,工作上都有一、兩個,單親媽媽真係唔易做,一定要繼續加油。」她一邊說,一邊眼泛淚光,看來不少回憶湧上心頭。
另外,她現場即場與傳媒公司簽約,並正式成為該公司的業務發展總監,她透露:「嚟緊又多啲發展空間,好似會幫陳奕迅安排演唱會、Running Man活動咁,嚟緊會同薛家燕拍微電影,工作都好忙,好似離我拍拖嘅目標愈嚟愈遠,不過我想把握每個機會。」