岑麗香高溫拍郊外戲 爆洪永城早走唔使曬

20150713
東網電視
更多新聞短片
香香佢哋幾個女仔喺郊外拍咗成日,但係洪永城只係拍咗個朝早就走得。
無綫小花岑麗香(香香)、劉佩玥(Moon)、吳若希及吳沚默等到馬鞍山郊區拍攝TVB劇集《實習天使》,香香透露他們飾演的這幾名學護,被魔鬼教官洪永城帶來荒山野嶺完成任務:「我哋訓練解決問題能力,水同食物都冇!訓練我哋一Team人合作,今次我同Moon一組,吳若希就係對手,戲中我哋都有好多內鬥嘅戲。(有冇互相廝殺扯晒頭髮咁?)咁又冇,我哋好斯文。(算唔算辛苦?)熱同多蚊囉!都ok!起碼唔係着緊古裝衫、戴頭套,已經好幸運喇!」
香香表示在外國讀書時玩過宿營及野外定向,因此駕輕就熟,並笑說:「劇本寫我哋會完成任務,所以我哋充滿信心!」她又笑言今日的打扮猶如螢光棒,非常安全,即使走失也很易找到她。
問到為何洪永城不在場?香香表示早上他有到場拍一場戲,她笑住埋怨對方:「佢畀兩個背囊我哋,同講解個任務就走咗喇!佢好輕鬆好着數呀!又唔使曬!到一到扮曬,其實我哋幫佢做晒啲嘢!」