港姐外景送驚喜　齊齊賀Sunshine生日

12位佳麗遠赴日本為《2015香港小姐競選》取景，昨晚（12日）一班工作人員和佳麗拉大隊去居酒屋慶功，面對一枱豐富美食，一眾佳麗都表示會放肆一晚。期間，工作人員又為本月15日生辰的（12號）「眼科醫生」朱嘉莉（Sunshine）舉行神秘生日會，Sunshine見到蛋糕也表現驚喜，其他佳麗再大合唱生日歌，其好友（1號）「高挑Charlie」麥明詩更上前跟壽星女抱抱。

受訪時，Sunshine坦言事前不知有此安排，她說：「好驚喜，冇諗到有人幫我預早慶祝，希望身體健康、工作順利。（希望攞冠軍？）參加選美冇諗過攞獎項，只希望做好自己。（希望繼續減磅？）依家食嘢跟足營養師指示，希望循序漸進地瘦，最緊要瘦得健康，希望可以減十磅，愈來愈Fit參加比賽。」

由於連日行程緊密，佳麗們都大呻辛苦，麥明詩說：「因為唔夠瞓，返港最想瞓覺，嚟呢度六、七日，每日瞓少三個鐘，自己每日要足瞓八個鐘，返港起碼瞓返十八個鐘先夠！」至於（4號）「寸嘴Ada」龐卓欣表示已book定健身教練返港做gym，並謂：「最想返去食多啲嘢，返去請大家食刺身！返港後最想見男友，其間都有保持連絡，當然有向佢呻辛苦啦，尋晚呻到3、4點，男友仲去咗蘭桂坊消遣，但我唔介意男友去玩，對男友好有信心，好放心。」

至於（5號）「肥版香香」林凱恩又謂最想返去放肆食返餐：「喺日本好似好忙，冇好好享受一餐日本嘢，所以想返去享受一餐獎勵自己。」（9號）「城大學生」郭嘉文亦表示不夠瞓，自言本來滑滑的皮膚變差，故返港後要勤敷Mask護膚。