鄭俊弘撐好友吳若希：佢係好健康嘅女仔

歌手鄭俊弘（Fred）到電台宣傳演唱會，問到是否開始感到有壓力？他說：「興奮多，壓力可能過幾星期先到，準備愈充足，壓力愈細，要把握每次綵排練習機會。」他又透露昨日正式公開售票，聽聞銷情不錯，問會否想加場？他表示希望可以，然而開一場亦有其好處：「我可以盡情去做，聲同體能嗰啲唔使牽掛。」

談到有報道指無綫將推出自家App，更不容許藝人把穿戲服等劇照放上社交網，Fred表示因少開戲而不清楚，但不怕少了與粉絲互動？他笑言：「唔一定要着戲服，可以close up 咁影！」

另有報道指吳若希曾在夜場工作，Fred力撐好友說：「佢係好健康嘅女仔。（關佢同網民罵戰被針對？）佢年輕衝動啫，佢好有正義感，唔公平會出聲。（你教吓佢？）我冇資格。」他又言只需做好自己，無謂在意他人看法，始終每人有自己言論自由，但仍讚對方遇這麼多事還能堅強面對。

問到會否覺得自己在工作上少負面新聞較幸運？他坦言：「係好彩，歌手出道唔夠一年做兩次演唱會。（今次會唔會怕畀人話唔夠歌開騷？）自己歌會多啲，但想有啲致敬部分。（嘉賓首選？）師父巫啟賢，但佢好忙，有時佢都唔知自己去邊。（一齊練歌？）冇，但會傾偈，分享經驗畀我，佢仲叫我寫多啲歌，今次新碟有收錄自己作品。（畀師父聽吓？）唔敢畀！但佢會畀佢作嘅我聽。」