田蕊妮揚言收視過35點着三點式慶功

藝人陳豪與田蕊妮為主演無綫新劇《鬼同你OT》宣傳，並即場落街派咖啡，陳豪魅力非凡，吸引大批老中青途人爭相合照，陳豪逐一答應，十分親民陳豪表示滿意收視，若過35點收視會請食飯。田蕊妮不諱言過35點便會穿三點式示人，她笑言：「梗係三點式，唔係一件頭。我等咗呢個機會好耐。不過我擔心觀眾知道會熄電視，唔想呢件事發生。」問到老公杜汶澤有否為她拍過泳衣照，她笑言：「佢唔識游水，冇乜機會見我着泳衣。佢有同我影過相，一係有着衫，一係就....哈哈。」

陳豪則表示太太陳茵媺懷孕時，亦有為她操刀，他說：「佗大仔、細仔都有影，大仔出世影過一輯，細仔未影。當時租阿哥個studio影，自己操刀！」