【養眼生日會】許芯悅獲靚女Model圍住慶生

新進女星許芯悅（Katie）早前與好友舉行生日會，被大批靚女model包圍合照，壽星女Katie收到超多禮物，包括利是、銀包、香水、化妝品及圍巾等，現場充滿歡樂氣氛。

Katie興奮地說：「好開心收到咁多禮物，多謝大家心意！最鍾意收到蛋糕同銀包，自己本身鍾意食甜嘢，所以生日一定要切蛋糕，又可以同家人朋友分享喜悅！另外朋友知道我本身個銀包爛爛地，所以夾錢送畀我，仲係我最鍾意嘅藍色！」問到生日願望，Katie希望身體健康、賺更多錢以及多拍電影挑戰演技：「長大咗嘅我經歷多咗，想知自己演繹到幾多層次感，最想演悲劇人物或精神病人。」