逾百萬誘扮魔盜王No Way 何浩文拒做富婆奴

20150717
東網電視
更多新聞短片
靠《鴨王》爆紅後成為富婆目標,Dominic有骨氣寧願捱生捱死堅拒百萬利誘。
26歲的何浩文(Dominic)入行七年,由初出道時勁瘦,操到現時擁兩舊41吋枕頭大胸肌。霉足多年的他今年於電影《鴨王》憑雄風捱出頭,知名度大增,亦因兩年前出過爆肌寫真集,憑「鴨王」揚名的他成為內地夜場新寵,過去四個月他穿梭神州酒吧騷,每場騷鐵價不二實收6萬人仔,共喪吸480萬人仔(約600萬港元),成為「百萬鴨王」。目標完成內地夜場「100行」後,Dominic將在聖誕檔加價到8萬人民幣一場,有價有市的他,據知檔期已排到明年3月,他更希望年內能賺夠千萬港元。
要求Cosplay魔盜王
夜場「夢」多,「鴨王」魅力亦吸引內地富婆垂涎,據知Dominic上月曾接神秘電話,一名在內地從事房地產的Z姓富婆直接邀Dominic玩船P,還要求他Cosplay扮船長「魔盜王」,以及一齊玩香蕉船,上船一口價100萬人民幣。面對空前誘惑,Dominic接受《東網》訪問時說:「我返大陸出十幾場騷都搵到,點解要扮船長?有錢唔係大晒,我唔係富婆奴,反而Enjoy依家嘅生活。」
有骨氣靠自己
靠自己,使乜畀富婆當香蕉船揸!Dominic有骨氣寧願走埠走到五勞七傷,辛苦錢唔易賺,過去四個月穿梭神州逾40多個省市,朝早搭車搭飛機,入夜才開工,一套戰衣着幾日,揸住「金咪」到三山五嶽雲集的內地酒吧唱一小時,飲歌不離三首:蕭敬騰的《王妃》、《只能想念你》以及他自己的歌曲《Say You Love Me》,人仔酬勞雖然袋袋平安,但還要應付過度熱情的Fans,認真每唱一句都有血有淚。
住過劏房目標買樓
其實Dominic入行之初曾經勁「兜踎」,曾向親友借錢度日、入住70呎連廁所的劏房,對做娛樂圈失去信心,他憶述:「入行初期收入真係麻麻,香港唱歌真係搵唔到食,但我又鍾意,咪唔放棄囉!嗰陣真係朝床晚拆,要住舊式唐樓劏房,曱甴橫飛,不過之後多咗Job,咁先逃離夢魘!」如今口袋有錢,生活質素改善不少,現於九龍區以2萬多元月租私人樓,Dominic下一個目標就是買Dream Car及置業:「依家樓價真係貴到癲,我想搬去香港區,買間大啲嘅屋,惟有再儲吓首期先,不過首要係換車,因為架『錢七』真係揸咗好耐,一定要換,所以平時我都好慳,唔會亂揈錢!」