探病一粒鐘　朱慧敏代Eddie否認為情自殺

藝人朱慧敏到醫院探望「好友」彭懷安（Eddie），在醫院逗留了約一小時後獨個兒離開。她仍堅持大家是好朋友和生意上好拍檔關係，又表示當得知對方有事需要入院全身麻醉做手術時，擔心對方病情，故到醫院了解探望，她說：「佢係手部受傷有變形，所以全身麻醉矯正番。（更珍惜對方？）感情一向好好。（有傳終極分手？）大家一路都咁講，我冇講過。大家係好朋友同知己。（復合？）感情事好難講。（患難見真情？）一向好好，問題係結唔結婚呢一步有問題出現咗。」

對於有指因生育問題而鬧分手，她表示：「莫名奇妙，在工作上係生意伙伴，私人上係知己。由識第一日大家都知係鍾意小朋友，係有共識。真係唔知生育完會令癌指數提高，冇聽過。真係要問醫生。」問到是否已原諒對方，她勞氣指：「我講過好多次，佢去蒲，送女仔返屋企畀人影到，我係忟。我仲信佢為人冇對我不忠、或出軌。可能我當日講唔清楚。好多嘢我哋兩個人都明白。的而且確結婚係唔結住，希望二人用時間處理感情事。」她亦否認Eddie為情自殺入院，並說：「咁大個人，傻架咩。」