溫家偉雪糕店開張　吳若希花籃都冇個！

藝人溫家偉在旺角開設的雪糕店今日開張，現場擺放不少藝人送上的花籃，但未見緋聞女友吳若希的花籃，反而緋聞情敵周志文、蔡思貝等則有送上花籃。林盛斌、李天翔、林師傑、歐陽巧瑩、賴慰玲、許家傑、前港姐邵佩詩、何艷娟等則親自到場支持。

溫家偉形容開舖一波三折，他說：「之前睇咗3、4間舖，每次我話睇啱，聽日搞手續，去之前就收到地產電話話業主唔租喇，有少少黑仔囉，有次落咗訂都係咁！（舖未開業主就已經撻訂？）我數學唔叻，實際數字係幾多唔清楚，今次我同屋企人合資，投資7位數字。（成副身家？）係呀，我由細儲到大，依家好窮，晚晚食飯盒，呢舖博一博！」

記者問到吳若希連花籃都冇送，他說：「可能未到啩！佢有幫我啲雪榚試味，佢話下間舖會合資。（畀佢一世免費食雪糕？）當然啦！（有冇睇報道指她曾經在夜店工作？）冇，我唔識中文，我唔放心上，人哋點講控制唔到，咁不如唔好諗咁多。（打電話安慰佢？）呢幾日好忙，冇機會，我電話都冇掂。」