楊秀惠戴后冠過生日　許亦妮獨自擺Pose

今日係藝人楊秀惠嘅31歲生日，壽星女戴上生日后冠，着到好似公主咁，同一眾好友開Party慶祝，陳庭欣、樂瞳、許亦妮、陳瀅、胡蓓蔚等都有嚟玩！楊秀惠隨後喺網上晒相，除咗佢嘅造型最突出外，其中有一張相可見前港姐許亦妮企埋一邊獨自擺Pose，非常陶醉，真係搶咗唔少風頭架！

壽星女留言感謝爸爸、媽媽將佢帶到世上，仲感恩遇到親愛嘅朋友，留言話：「我親愛的朋友們，感恩生命中能遇見你們，在我快樂時與我分享喜悅，在我悲傷時陪我渡（度）過，給予我支持與鼓勵。感謝你們昨晚陪我渡（度）過一個愉快的晚上，還有太多太多的好友無法出席，但你們的祝福我都收到了，我愛你們！」