陳豪父愛爆棚　收服百厭「仔仔」

藝人陳豪憑住「型格爸爸」形象連續第五年擔任月餅廣告代言人，日前拍攝廣告時更慈父上身，令百厭的小演員頓時聽聽話話！而陳豪拍攝期間亦不時掛念太太及家中兩位兒子，他更直言渴望能與全家共度中秋。

廣告公司安排不同年齡的演員於廣告中扮演陳豪家人，本來小演員未能專心投入拍攝，陳豪見狀即化身慈父，抱起對方之餘又餵食月餅，令小演員抵受不了慈父魔力，乖乖投入拍攝。而拍食月餅的硬照時，想食月餅的陳豪被小演員整蠱，結果陳豪扁嘴扮可憐，引得對方心軟把月餅送到他嘴邊！

父愛滿溢的陳豪表示見到小演員即掛住家中的小王子：「無論係出席活動、拍廣告或拍劇見到小朋友都係開心嘅，因為佢哋嘅快樂係最純真同真情流露，依家嘅我見到小朋友更會諗起家中兩位小王子，好自然就投入與小朋友互動，令大家感受到最真嘅家庭樂！」

其後陳豪表示最喜歡的節日就是中秋節，因無論小時候或現在均有大量令人回味的感覺：「以前同哥哥紮完燈籠後就會一家人一齊去猜燈謎賞花燈，我同哥哥會鬥猜得多燈謎，猜得多嗰個就可以食多黃月餅，我當然唔夠佢猜得多，但返到去哥哥都會同我分享月餅，更話睇下邊個食得多！長大後好多時中秋都要在工作中度過，但最感動係有年我深夜返到屋企見到媽媽留下字條同月餅，當我想食嘅時候全屋人就出晒嚟陪我，更一齊睇番以前啲相，真係月近人愈近！」

他又希望今年能與家人共度中秋佳節：「平日工作忙碌，都係太太幫忙照顧兩名兒子，希望今年中秋可以同屋企人一齊過，始終今年係小兒子嘅第一個中秋！」