網民熱話：80後「先上車後補票」的台灣型男

台灣型男趙又廷、周杰倫、王力宏等近年相繼成家立室，已經令一眾少女粉絲個心碎到一地都係！而新一代80後台灣型男就唔興閃婚改玩「閃孕」，就如今年27歲嘅台灣混血男星鳳小岳，尋日就突然喺facebook上公布快為人父嘅消息，佢係近大半年以來第3位喺社交網站突然投擲「閃孕彈」嘅台灣男明星，「先上車後補票」殺大家一個措手不及！粉絲們雖然一下子接受唔到現實，但冷靜落嚟之後，都為偶像送上衷心祝福嘅！

修杰楷

另一為大家送上「驚喜」嘅就係修杰楷，今年32歲嘅佢同女友賈靜雯自去年公布戀情後感情相當穩定，而且男方又愛屋及烏，對賈靜雯同前夫生嘅女兒梧桐妹視如己出，又經常喺微博分享兩人嘅趣事。今年5月，修杰楷驚喜公布女友懷孕喜訊，而且佢本來打算入伍當兵之前，擇期補票完成婚禮，但因為準媽媽賈靜雯唔想大住個肚着婚紗，所以兩口子就決定8月註冊先，婚禮就等BB出世後再搞。

宥勝

同樣32歲嘅宥勝喺去年10月底，突然喺Facebook上載一張BB超聲波照，並公布當時嘅女友兼助理小嫺已經懷孕3個月！今年4月，宥勝喜獲小公主王蕾榛（蕾蕾），囡囡眼仔碌碌，十分趣緻，而宥勝亦自此由當初嘅型男搖身變成有女萬事足嘅「傻瓜爸爸」，日前蕾蕾滿3個月，佢咃一家三口就飛去關島慶祝o添！

網民有話兒：

x珍珠：恭喜恭喜又有好事要發生了！就是有人要當爸爸了

YuJixxxin：雖然心碎了，但還是祝福一家三口能繼續幸福美滿喔

Angxxxxng：恭喜 要珍惜這得來不易的幸福！

Maxxai：恭喜！終於撥雲見日覓得良緣！一定要幸福喔！2人看起來好登對！

Wenxxxxlie：好男人……這樣才是正確的決定，不讓背後的女人受委屈