認撇老公帶囡遠走！關詠荷反怨張家輝忙

藝人關詠荷（Esther）拍攝營養奶粉廣告，身為代言人的她以跑步形式拍攝，帶出健康體魄的重要性。Esther為照顧女兒張童（Brittany）而淡出演藝事業，她透露其母親曾經在70及80歲時分別跌傷及跌斷了腳部關節，需要長期治療及更悉心的照顧，令她開始重視健康。

減少工作陪囡囡

對於老公張家輝早前出活動時表示Esther狠心拋下他，帶囡囡（Brittany）到美國旅遊！Esther笑言：「老公忙拍電影，暑假陪唔到我哋，唯有同囡囡忍心拋低佢去旅行。而且囡囡曾撒嬌要求我抽多啲時間陪佢，所以我盡量減少工作安排，花多啲心思時間照顧老公同囡囡，陪囡囡參加多啲親子活動。」不過兩人其實都好重視親子活動，平時都會帶囡囡一齊去旅行、行山及上興趣班。

運動Keep青春

對於獲讚容貌好像「逆生長」一樣，關詠荷笑說因為好着重保養，保持均衡飲食，不吃肥膩食物，而且好享受運動的過程，堅持每日跑步，閒時更會跳健康舞及打羽毛球，透過運動保持身型之餘又可以強身健體。