周家怡36歲生日願望：搵個啱嘅人！

藝人周家怡出席大型展覽活動，今天36歲生日的她還獲麥子樂送上生日蛋糕，她表示自己有很多生日願望：「希望繼續好落去，個個開開心心，搵多啲錢。（點樣慶祝？）呢幾日不斷慶祝啦，依家覺得返工好過放假，因為日日都慶祝啦，今晚都會同朋友食生日飯。」

問到感情上有何願望？她表示希望可盡快找到對的人：「快啲搵到個佢又好錫我，我又好錫佢嘅人，直到永遠，依家冇着落，前排去咗問塔羅牌，佢叫我畀心機做嘢，未來半年都未有，不過我唔信嘅，人定勝天，我有問真命天子係咪出現咗架啦，佢都係叫我專心做嘢，唔好有幻想。（唔同麥子樂互相發展吓？）我十幾歲就識佢，好似親人咁，一齊會似亂倫。」

老友叫搵個老外

而麥子樂就表示今晚將跟家怡吃生日晚飯慶祝，問到是否他請客？他說：「生日嘅人請食飯係會帶好運畀人架，我自己年年生日都請人食飯。」談到家怡感情未有着落，他笑言對方應是外國人杯「茶」：「我覺得外國人會鍾意佢呢一類型。（會唔會互相發展？）我哋friend得滯啦。」